АЛДАҒЫ БАСЫМДЫҚТАР БЕЛГІЛЕНДІ (-2-)

Кездесу барысында «Қарабау» БПҰ төрағасы өткен жылы атқарылған жұмыс туралы мағлұмат берді. Аудандық қоғамдық қабылдау бөлмесінің жұмыс жоспарына сәйкес Қарабау ауылдық округінде көшпелі қоғамдық қабылдаулар өтізіліп, ауыл тұрғындарының арыз шағымдары бойынша «Халыққа көмек», Құқықтық көмек партиялық жобасы аясында тұрақты түрде көмек көрсетіліп келеді. Қабылдауға келген аз қамтамасыз етілген отбасыларға жыл бойында ауылдан шыққан кәсіпкер азаматтарды ұйымдастыру жұмыстарын жүргізудің нәтижесінде жалпы 32 отбасыға 815 мың теңге көлемінде азық-түлік көмегі көрсетілген. Партиялық жобалар аясында ауыл әкімдігі мен аудандық жұмыспен қамту және әлеуметтік бағдарламалар бөлімі мамандарымен бірге бекітілген іс-шара жоспары аясында арнайы шаралар өткізіліп тұрады. Басқосу барысында ұйым төрағасы «Ауыл аманаты» жобасының Қарабау ауыл округінде де іске асуына ықпал етуін, елді мекеннің ішкі жолдары мен жарықтандыру мәселесіне көмек көрсетуін сұранды. Одан бөлек ауыл ақсақалдары, есепте тұратын тұрғындарға дәрі дәрмектердің сапалы түрі берілуіне ықпал етуді өтінді. Жалпы, жиынға қатысушылар өз тараптарынан барлық бастамаларды қолдайтындықтарын білдірді.
«Сарапхана» бастауыш партия ұйымының төрағасы Аманжол Аширбаев өз баяндамасында ұйымда «Халыққа көмек» жобасы аясында 11 қоғамдық қабылдау өткенін, көмек сұрай келген көп балалы отбасыларына қолдау көрсетілгенін атап өтті. Сонымен бірге, алғаш мектеп табалдырығын аттаған балдырғандар мектепке қажетті құралдармен қамтамасыз етілген. Бастауыш партия ұйымында «Бақытты отбасы» жобасы да кең ауқымда жүзеге асып отыр. Олардың ішінде асыраушысынан айрылғандарға, еңбекке жарамыз болып қалғандарға, ардагер қарияларға көмектер көрсетіліп тұрады.
Жиын барысында партия мүшелері күн тәртібіндегі өзекті деген мәселелер бойынша пікір алмасып, жұмысты тиімді ұйымдастырудың жаңа сипаттары мен тәсілдерін қарастырды, қоғамдастық білдіріп отырған сұраныстардың мазмұнын саралап, алдағы басымдықтарды белгіледі.
«AMANAT» партиясы Түркістан облыстық филиалының баспасөз қызметі