Тек прокурорлар ғана емес, қаңтар айындағы оқиғалар кезеңінде құқық қорғау органдарының қызметкерлері өкілеттіктерін теріс пайдаланушылық туралы әрбір шағымды ішкі істердің өзіндік қауіпсіздігі бөлімшелерінің қызметкерлері де тексереді.
Құқық қорғау органдары қызметкерлерінің лауазымдық өкілеттіктерін теріс пайдалануы және билікті асыра қолдануы туралы әрбір шағымға прокуратура органдарымен қатар Ішкі істер министрінің тапсырмасымен ІІМ өзіндік қауіпсіздік бөліністері тексеру жүргізеді, олардың байланыс деректері бірінші күннен бұқаралық ақпарат құралдарында жарияланған. Бұл туралы Орталық коммуникациялар қызметі алаңында ҚР ІІМ Тергеу департаментінің бастығы Санжар Әділов хабарлады.
Comments