Шымкент қаласындағы №133 жалпы орта білім беретін мектебі ұстаздарының қатысуымен Қазақстан Республикасының Президенті Қ.К.Тоқаевтың Қазақстан халқына арналған ««Халық бірлігі және жүйелі реформалар – ел өркендеуінің берік негізі»» атты кезекті Жолдауын талқылау мақсатында ашық жиналыс өтті. Жиынды ашқан тарих пәнінің мұғалімі Н.Садырбаева –Президенттің кезекті Жолдауының мазмұнының тереңдігіне тоқталды. Сондай-ақ, Қазақстан халқы жыл сайын асыға күтетін Президент Жолдауының өз ерекшелігі бар екендігін айтып, елдің игілігіне бағытталған басты құжатта ел өміріне қатысты салмақты дүниелер мен әлеуметтік салаға қатысты маңызды жаңалықтар жария етілетіндігін тілге тиек етті. Президенттің әрбір Жолдауы – қазақстандықтардың жақсы тұрмысын ғана емес, сондай-ақ, алаңсыз болашағы туралы да айтылатынымен құнды екенін атап өтті.
Comments