Бүгін Түркістан облысының қоғамдық даму басқармасы «Қоғамдық келісім» КММ-нің Кентау қалалық филиалының ұйымдастыруы мен «Медиация татулық пен тұрақтылықты көздейді» тақырыбында Кентау қалалық халықты жұмыспен қамту орталығының қызметкерлері мен кездесу болып өтті.
Кездесу барысында Кентау қалалық ҚХА жанындағы Аналар кеңесінің мүшесі кәсіби медиатор Ж.Таукеева медиацияның негізгі мақсаттарына тоқталды. Біздің міндетіміз–медиацияны дамыту мен насихаттау арқылы оның жұмысын жүйелендіріп ұйымдастыру, ел бірлігі мен ынтымақтастығын нығайтуда медиация тетігін тиімді пайдалану деді.
Кентау қалалық ҚХА жанындағы Аналар кеңесінің мүшесі, заң кеңесшісі С.Самиева «Неке және отбасы туралы» мәселелерге қатысты кеңінен сөз қозғап, қолданыстағы заңдар аясында түсіндіріп өтті. Жиын соңында сұрақ-жауаптарға кезектер беріліп тиісті деңгейде пікір алмасты.
Comments